141 raste me coronavirus janë konfirmuar gjatë ditës së djeshme në Kosovë, shifra më e lartë e regjistruar ndonjëherë.

Megjithatë, përkundër situatës alarmante qytetarët po vazhdojnë të grumbullohen. Një rast i tillë është vërejtur edhe sot para Qendrës së Regjistrimit Civil, shkruan Reporteri.

Aty janë mbledhur një numër i madh i qytetarëve, duke mos respektuar distancën sociale, përkundër rekomandimeve të vazhdueshme të profesionistëve mjekësorë.

Megjithatë, disa prej tyre shihen të kenë maska, për çka Instituti i Shëndetësisë Publike tha se duhet të jenë obligative.

Kujtojmë se në Kosovë aktualisht janë 1756 raste me Coroanvirus, 968  të shëruar dhe 34 të vdekur. /Reporteri.net