Një qytetar ka sulmuar me thikë policët në qytetin e Gjakovës.

Gazeta Online “Reporteri.net” ka siguruar video ku shihet se si qytetari me thikë në dorë tenton të sulmojë policët.

Nga Policia e Gjakovës kanë dhënë detaje për Reporteri.net për këtë rast.

Ata thonë se personi në fjalë ka sulmuar më parë qytetarët të cilët e kanë njoftuar policinë, çka këta të fundit kanë ndërhyrë.

“Qytetarët na kanë njoftuar se te Viva Fresh një qytetar po bën probleme, po i sulmon qytetarët me një thikë dhe shufër të hekurit. Personi në fjalë ka qenë i njohur për policinë në Gjakovë”, thonë nga policia e këtij qyteti për Reporteri.net.

Gazeta Online “Reporteri.net” mëson se personi i cili ka sulmuar policët me thikë është pacient i repartit psikiatrik në spitalin rajonal në Gjakovë, dhe Prokuroria ka marrë vendim për ta ndaluar për 48 orë. /Reporteri.net/.