Mediat e huaja kanë shkruar për konfirmimin e aktakuzës për krime lufte ndaj krerëve të UÇK-së.

Bujë në mediat ndërkombëtare ka bërë sidomos dorëheqja e presidentit Thaçi, që pasoi pas konfirmimit të aktakuzës nga Tribunali Special, shkruan Reporteri.

Por, jo më larg se në Serbi, konfirmimi i aktakuzës ndaj Thaçit ka lënë arsye për “festë”.

Gazeta serbe Kurir e cila njihet për afërsinë e saj me pushtetin, ka shkruar se “Hashim gjarpri personalisht konfirmoi se jep dorëheqje dhe shkon në Hagë”

“Gjarpëri më nuk do të jetë president është titulli që e mban edhe gazeta tjetër nacionaliste Novosti.

Ndryshe, Ish-presidenti Thaçi ka njoftuar përmes një konference për media se gjyqtari i procedurës paraprake të Dhomave te Specializuara ka konfirmuar aktakuzën e ngritur nga Prokurori i Specializuar.

Thaçi në konferencë njoftoi se në Hagë do të udhëtojë si qytetar i Kosovës dhe jo si president i vendit, çka edhe ka dhënë dorëheqje nga kjo pozitë.

Në Hagë do të udhëtojë edhe ish-kryetari i PDK’së, Kadri Veseli të cilit i është konfirmuar gjithashtu aktakuza nga Specialja. /Reporteri.net