Në një aksident të rëndë trafiku ka ndodhur sot në Bosnjë,  ku sipas raportimeve të mediave atje, ka vdekur deputeti Srgjan Todoroviq, së bashku me bashkëshorten dhe fëmijën e mitur.

Aksidentin e konfirmoi policia e Banja Lukës.

Aksidenti ka ndodhur rreth orës 12:50 në qytetin Puraçi, në rrugën Doboj-Banjaluka. Në aksident janë përfshirë një makinë pasagjerësh tip “Volvo” dhe një kamion me një rimorkio.

Sipas informacioneve jozyrtare, tragjedia ka ndodhur kur “Volvo” e drejtuar nga Todoroviq, me shpejtësi të madhe është përplasur me rimorkio të një kamioni, i cili është ndalur në rrugë për shkak të një aksidenti të mëhershëm. Kamioni paraprakisht është përfshirë në një tjetër aksident trafiku me një veturë pasagjerësh, pas së cilës të dyja veturat kanë mbetur në rrugë.

Makina e familjes Todoroviq ka kaluar nën rimorkio të kamionit dhe Srgjan Todoroviq, gruaja dhe fëmija i tij kanë vdekur në vend nga plagët e marra.

Dy persona nga automjeti tjetër janë lënduar dhe janë dërguar në Qendrën Universitare-Klinike të Republikës Srpska në Banja Lukë.

/Reporteri.net/