Kryetari i Bashkimit Demokratik për Integrim, Ali Ahmeti ka njoftuar se nesër do të paraqitet në Facebook, nga ku ka paralajmëruar se do ta japë “lajmin e madh”.

Nesër në orën 11:00, kryetari i BDI-së do të flasë drejtpërdrejt. Kështu thuhet në njoftimin në faqen e Ali Ahmetit në Facebook.

Ndërsa zgjedhjet parlamentare dhe presidenciale në Maqedoninë e Veriut po afrohen, BDI-ja, të paktën deri më tani, nuk ka vendosur ende nëse do të garojë e vetme, apo në ndonjë koalicion.

Ndërkohë, disa parti opozitare shqiptare në Maqedoninë e Veriut janë bërë bashkë në një koalicion, duke e kandiduar Arben Taravarin për president të RMV.

BDI është partia më e madhe e shqiptarëve në Maqedoninë e Veriut.