Pesë persona kanë vdekur si pasojë e një aksidenti të rëndë që ndodhi të shtunën pasdite në Serbi.

Raportohet se automjet i ushtrisë serbe e ka shtypur një veturë, me ç’rast ka ndodhur ky rast i rëndë.

Një 54-vjeçar, i cili e drejtonte automjetin ushtarak është arrestuar. Atij i është caktuar masa e ndalimit deri në 48 orë, ndërsa është paralajmëruar se një kallëzim penal do të dërgohet në Prokurorinë e Lartë Publike në Kralevë.

Mësohet se viktimat janë babai me tre fëmijë dhe një fqinj që ishte në veturë me ta.