Kryeministrja serbe Ana Brnabiq ka anuluar takimin me senatorët amerikanë Chris Murphy dhe Gary Peters që ishte planifikuar për mëngjesin e 25 majit, njoftoi Qeveria e Serbisë.
Në njoftim thuhet se takimi i Ana Brnabiqit me një grup senatorësh po anulohet pa sqaruar arsyen, raporton REL në gjuhën serbe.
Të enjten, më 25 maj, Murphy dhe Peters pritet të bisedojnë me presidentin e Serbisë, Aleksandar Vuçiq.
Ndryshe, gjatë qëndrimit në Kosovë, presidentja Vjosa Osmani dhe kryeministri Albin Kurti kanë pritur dy senatorët amerikanë, Chris Murphy dhe Gary Peters.
Dy zyrtarët amerikanë kërkuan nga liderët e vendit zbatimin e marrëveshjes me Serbinë. Derisa për Serbinë, kërkuan që të mos e pengojë rrugën e Kosovës për anëtarësim në organizata ndërkombëtare.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
