Gazetari boshnjak, Jasmin Mujanovic ka njoftuar se ka dështuar përpjekja ruso-serbe për ndërprerjen e mandatit të EUFOR-it në Bosnje e Hercegovinë.

Përmes një cicërime në Twitter, Mujanovic tha se mandati i EUFOR-it është zgjatur zyrtarisht në Këshillin e Sigurimit të OKB-së.

“Mandati i EUFOR-it në Bosnjë është zgjatur zyrtarisht në KS të OKB-së, por Rusia me sukses ia bllokoi Schmidt-it paraqitjen e raportit të tij, ndonëse ai (raporti) u dorëzua formalisht në këtë organ. Tani fokusi duhet të vendoset te kundërshtimi i dredhive ushtarake në rritje të Dodikut për ndarje”, shkroi Mujanovic.

BiH’s EUFOR mandate has officially been extended at the UNSC, but Russia successfully blocked Schmidt from delivering his report, tho it was formally submitted to the body. Now the focus must shift to rebuffing Dodik’s increasingly militant secessionist ploys.

— Jasmin Mujanović (@JasminMuj) November 3, 2021

Gazetari boshnjak, në muajin tetor, pati paralajmëruar për planet e presidentit të Serbisë, Aleksandër Vuçiq për destabilizimin e rajonit si dhe për tentimin e ndërprerjes së mandatit të të EUFOR-it në Bosnjë e Hercegovinë.

“Vuçiq do të vazhdojë të nxisë tensionet me Kosovën për pjesën e mbetur të tetorit, madje mund të përshkallëzohet situata nga këtu. Por, duhet pasur parasysh lojën tjetër të madhe: Rusinë mund ta prishë mandatin e EUFOR -it në Bosnje dhe Hercegovinë në Këshillin e Sigurimit të Kombeve të Bashkuara në Nëntor. Dodik tashmë është i gatshëm për një krizë të sigurisë”, ishte shprehur Mujanovic.

Ai pati theksuar se Bosnja dhe Hercegovina është shteti i radhës të cilin Vuciq do të tentojë ta fusë në krizë.

“Siç thashë, akti tjetër është mandati i EUFOR -it i BiH -së në Nëntor. Ka të ngjarë të ketë edhe më shumë trazira në Kosovë (dhe ndoshta Malin e Zi) deri atëherë, por Bosnja dhe Hercegovina është caku i radhës. Komuniteti ndërkombëtar dhe eksponentët e politikës vendore kanë disa javë kohë për t’u kundërpërgjigjur. Bëhuni bashkë”, shkroi Mujanovic.