Kryeministri i Maqedonisë Veriore, njëherësh kryetari i LSDM-së Zoran Zaev ka dhënë dorëheqje nga posti i kryeministrit dhe kryetarit të partisë.

Ai këtë e bëri në një konferencë për media në Shkup, ku ka uruar kundërshtarët politikë për fitoren në zgjedhjet komunale.

“Jap dorëheqje nga pozita e kryeministrit dhe nga pozita e kryetarit të LSDM-së”, tha Zaev duke shtuar se ai personalisht merr përgjegjësi për humbjen në zgjedhje.

Ai falënderoi të gjithë qytetarët për pjesëmarrjen në zgjedhje.

Sipas tij, në qeverisjen e tyre kanë anëtarësuar Maqedoninë e Veriut dhe kanë përbashkuar popullin në vend, ndërsa fitues në disa komuna janë njerëz që kanë marrë pjesë në ngjarjet e 27 prillit.

Partia e Zaev nuk shënoi rezultate të mira në raundin e dytë të zgjedhjeve komunale në Maqedoninë Veriore.