Pas dakordimit për marrëveshje në Bruksel me Kryeministrin Albin Kurti, president serb, Aleksandër Vuçiq gjatë ditës së sotme ka takuar liderin e Republika Srpska, Milorad Dodik, shkruan Gazeta Online Reporteri.net.

Këtë e ka bërë të ditur Vuçiq përmes një fotografie të publikuar në Instagram, ndërsa ka thënë se e ka informuar atë për dialogun e Brukselit.

“Gjithmonë një bisedë miqësore me presidentin e Srpska, Milorad Dodik. Jemi dakord për shumë projekte dhe e informova presidentin Dodik për dialogun e Brukselit. Gjithashtu, Presidenti Dodik më informoi për situatën në Republikën Srpska dhe Bosnje-Hercegovinë”, shkruan Vuçiq në Instagram.