Edhe sot në Kuvendin e Serbisë ka vazhduar diskutimi mbi çështjen e Kosovës, diskutim ky mes opozitarëve dhe presidentit serb Aleksandar Vuçiq, i cili herë-herë edhe eskaloi.

Vuçiq sot e akuzoi deputetin Srdan Milivojeviq se po i bën fotomontazh duke bashkuar në një fotografi kryeministrin e Kosovës, Albin Kurtin, dhe presidentin Vuçiq, që këtij të fundit s’i ka pëlqyer, raporton Danas, përcjell Gazeta Online Reporteri.net.

Për ta demantuar këtë fotomontazh, në seancën e sotme të Kuvendit Vuçiq ka marrë me vete fotografinë e tij me Kurtin si dëshmi, që tha se është bërë montazh nga fotografia tjetër e Kurtit me ministrin e Jashtëm grek, Nikos Dendias.

Kujtojmë se seanca e djeshme e Kuvendit të Serbisë u përcoll me pakënaqësi të shumta nga opozita, të cilët shkaktuan tollovi të madhe gjatë seancës. /Reporteri.net/.