Kryeministri i Shqipërisë, Edi Rama, po qëndron për vizitë në Kosovë.

Pas takimit me Fatmir Limajn e NISMA-s, kryekuvendaren Vjosa Osmani, kreu i qeverisë shqiptare në këto momente është takuar me kryeministrin Avdullah Hoti.

Pas tij, Rama do të takohet me kreun e LDK-së, Isa Mustafa, më pas me kreun e VV-së, Albin Kurti, pastaj me kryetarin e PDK-së, Kadri Veseli dhe në fund me presidentin Hashim Thaçi, shkruan Reporteri.net.

Pas përfundimit të takimit, presidenti Thaçi dhe Veseli do të shtrojnë një darkë për Ramën në një nga restorantet e vendit.

Kujtojmë se Rama në vizitën në Kosovë po shoqërohet nga ministri i Punëve të Jashtme, Gent Cakaj.

/Reporteri.net/.