Kryeministri i Shqipërisë, Edi Rama është pajtuar plotësisht me të dërguarin presidencial të Shteteve të Bashkuara të Amerikës për misioni speciale, Richard Grenell i cili tha se mbajtja në paraburgim e ish-presidentit të Kosovës, Hashim Thaçi është padrejtësi e rëndë e cila duhet të marrë fund.

“Absolutisht! Dhe sa më shumë të vazhdojë, aq më e madhe është njolla në organin ndërkombëtar të drejtësisë”, shkroi kryeministri shqiptar në X, duke shpërndarë postimin e zyrtarit të lartë amerikan.

Absolutely! And the more it continues, the bigger the stain on the international justice body! pic.twitter.com/iLsFPBogW7

Lexo edhe:

Dëmi mbi 400 mijë: Aktakuzë ndaj 7 personave zyrtar në Prizren

Foshnja u gjet e vdekur pranë mbeturinave, Policia jep detaje për ngjarjen e rëndë në Prishtinë

Veteranët i drejtohen me letër komisionerit të Këshillit të Evropës: Filloni një hetim për shkeljet nga Gjykata Speciale

— Edi Rama (@ediramaal) February 17, 2025

Ndërsa i uroi kosovarët për 17-vjetorin e pavarësisë, Grenell kujtoi “padrejtësinë e rëndë” që tha se po i bëhet “atit themelues të shtetit të Kosovës”, Hashim Thaçit.

“Megjithatë, ky përvjetor është i errësuar nga një padrejtësi e rëndë. Ati themelues i shtetësisë së Kosovës, Presidenti Hashim Thaçi, duhet ta festonte sot në Prishtinë – jo pas hekurave në Hagë”, shkroi ai ndër tjerash.

Evropianët, por edhe institucionet shtetërore të Kosovës, ai tha se kanë dështuar t’i japin fund “kësaj padrejtësie”.

Grenell uron pavarësinë Kosovës: Hashim Thaçi, ati themelues i shtetit, s’është aty duke festuar – kjo duhet të marrë fund