Shumë shtete, por në veçanti Kosova ka ndihmuar jashtëzakonisht Shqipërinë pas tërmetit të fuqishëm që e goditi këtë vend mëngjesin e 26 nëntorit.

Kryeministri i Shqipërisë Edi Rama, ka postuar në faqen e tij në Facebook, një video emocionuese që përshkruan situatën e pas tërmetit në Shqipëri.

Në video i jepet theks të veçantë shteteve që e ndihmuan Shqipërinë, si me ekipe shpëtimi, por edhe me mjete financiare e ushqim e veshmbathje.

Në video shfaqet një djalë i vogël që po ndërtonte një lagje me lodrat e tij, por që një dridhje e tokës ia rrëzon ato.

Më pas, duar të tjera me flamuj të shteteve, i dalin në ndihmë djalit duke ia rikthyer sërish ndërtesat e rrënaura nga dridhja e tokës. /reporteri.net