Kryetari i Komunës së Prishtinës, Përparim Rama, ka pritur në takim komandantin e Misionit të KFOR-it, të udhëhequr nga NATO-ja, gjeneralmajor Enrico Barduani.

Përmes një postimi, Rama ka thënë se gjatë takimit me Barduanin kanë diskutuar për sigurinë në Prishtinë.

“Diskutuam për sigurinë në Prishtinë dhe gjeneral Barduani rikonfirmoi përkushtimin e KFOR-it për sigurinë e të gjitha komuniteteve që jetojnë në Kosovë”, ka shkruar Rama.

Po ashtu, kryerari është shprehur falënderues për punën dhe angazhimin e tyre në mbështetje të paqes e sigurisë në Prishtinë dhe mbarë vendin.

/Reporteri.net/.