Kryetari i Komunës së Prishtinës, Përparim Rama, ka vizituar përfituesit e projektit “Furnizimi dhe Montimi i Serrave”.

Përmes një njoftimi nga komuna, thuhet se ky projekt është dëshmi e përkushtimit për mbështetjen e prodhimit vendor, raporton gazeta online Reporteri.net.

Tutje, kanë shkruar se në këtë mënyrë do t’i fuqizojnë fermerët e kryeqytetit, kështu duke i dhënë ekonomisë së Kosovës një nxitje të re.

“Këtë vit, ka filluar shpërndarja e serrave si subvencione në formë të grantit për fermerët e Kryeqytetit, duke i fuqizuar ata dhe duke i dhënë ekonomisë sonë lokale një nxitje të re. Kryetari, Përparim Rama, bashkë me drejtoreshën e bujqësisë, Donjeta Dragusha, vizituan përfituesit e projektit “Furnizimi dhe Montimi i Serrave”, që është dëshmi e përkushtimit për mbështetjen e prodhimit vendor!”, thuhet në postimin e komunës.

/Reporteri.net/.