Zyrtari i AAK-së, Burim Ramadani, thotë se idetë territoriale nuk duhet dhe nuk mund të jenë në tavolinën e dialogut.

Sipas tij rifillimi i dialogut nënkupton heqje dorë nga ‘shkelja e syrit’ për territore, shkruan Reporteri.net.

Postimi i plotë i tij:

Mos ia ‘shkelni syrin’ idesë për territore

Gjatë kësaj periudhe, procesi i dialogut Kosovë-Serbi u shtrëmbërua në përmbajtje, për shkak të ideve territoriale që para-diskutoheshin. Prandaj, edhe u bë i pamundshëm.

Megjithatë, ajo që u qartësua është se idetë territoriale nuk duhet dhe nuk mund të jenë në tavolinën e dialogut. Kjo vetëm sa i përkeqëson arritjet e deritashme në Kosovë dhe në Ballkan.

Rifillimi i dialogut nënkupton rikornizim të dialogut për njohje. Nënkupton heqje dorë nga ‘shkelja e syrit’ për territore.

Kosova e 17 shkurtit 2008 as nuk tjetërsohet, as nuk zhbëhet, as nuk përçudnohet.
100% SHTET

#KryeministerRamushHARADINAJ

#BurimRAMADANI