Rastet e reja pozitive me coronavirus në Kosovë kanë filluar të rriten ditët e fundit.

Në 24 orët e fundit janë konfirmuar 104 raste të reja, bën të ditur Instituti Kombëtar i Shëndetësisë Publike të Kosovës, shkruan Reporteri.net.

Më së shumti raste të reja janë regjistruar në komunën e Prishtinës, gjithsej 32 sosh.

Ndërsa rastet tjera pozitive vijnë nga: komuna Pejë 11 raste, komuna Fushë Kosovë 8 raste, komuna Mitrovicë 8 raste, komuna Gjilan 5 raste, komuna Klinë 5 raste, komuna Skenderaj 4 raste, komuna Vushtrri 4 raste, komuna Gjakovë 3 raste, komuna Lipjan 3 raste, komuna Podujevë 3 raste, komuna Prizren 3 raste, komuna Deçan 2 raste, komuna Ferizaj 2 raste, komuna Malishevë 2 raste, komuna Suharekë 2 raste, komuna Viti 2 raste dhe me nga një rast komunat Dragash, Drenas, Hani i Elezit, Istog dhe Shtime.

Po ashtu janë shënuar dhe 2 raste të vdekjes.

Numri total i rasteve pozitive është 16.606 raste nga 78.161 persona të dyshimtë në virusin SARS-CoV-2 dhe 652 raste të vdekjes.

Gjatë 24 orëve të fundit, janë shëruar 42 pacientë derisa numri i përgjithshëm i të shëruarve deri më sot është gjithsej 14.561 raste, kurse numri i rasteve aktive është 1.393. /Reporteri.net