Policia e Rajonit të Ferizajt ka njoftuar se ka arrestuar edhe dy të dyshuar të tjerë lidhur me disa raste të vjedhjeve të arit të raportuara në Ferizaj, shkruan Reporteri.net.

Ata janë arrestuar gjatë bastisjeve të kryera në fshatin Talinoc i Muhaxherëve.

“Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj. Si rezultat i këtyre bastisjeve, janë arrestuar edhe dy persona të tjerë, të cilët ishin në kërkim policor: – E.H. (16 vjeç), V.L. (16 vjeç)”, thuhet në raport.

Tre të dyshuar të tjerë janë arrestuar më 31 mars.