Koordinatori i Departamentit për Drejtësi në kuadër të Kabinetit për Qeverisje të Mirë të PDK-së, Përparim Gruda përmes një postimi në Facebook ka reaguar lidhur me shkarkimin e kryeinspektorit në Ministrinë e Drejtësisë, Ylber Topalli, shkruan Gazeta Online Reporteri.net.

Sipas Grudës, shkarkimi i Topallit ishte goditje e ulët që u bë dhe tentim për të ikur nga përgjegjësia që ka Ministrja e Drejtësisë, Albulena Haxhiu.

Tutje në postimin e tij, Gruda thotë thotë se Haxhiu ka dy vite që është Ministre, dhe se Topalli ishte deri tani aty, por që u bë problem vetëm tani, pasi siç shkruan ai, Haxhiu do të krijojë fajtor për të zhvendosur fajësinë.

Postimi i plotë:

Ylber Topalli e ka paguar lirinë e Kosovës me gjymtyrët e tij. Shkarkimi nga pozita e kryeinspektorit është një goditje e ulët që bëhet ndaj tij, dhe qartazi një tentim për të ikur nga përgjegjësia që ka Ministrja e Drejtësisë për skandalin e zhdukjes së mostrave të rastit Dehari.

Albulena Haxhiu është tash e dy vite Ministre e Drejtësisë, deri tani Ylber Topalli nuk ishte problem, tani që u zhduken mostrat brenda Ministrisë së Drejtësisë, do të krijojë një fajtor, të zhvendosin fajësinë.

Mjaft e përdoret Astrit Deharin për politikat partiak, mjafte me goditje ndaj njerëzve meritor për lirin dhe pavarësinë e Kosovës.

Ajo që duhet të shkarkohet është Ministrja e Drejtësisë.