“Nuk është koha për garën e Kryeministrit, lum ai që i ruan dy gisht fytyrë”.

Me këto fjalë i është drejtuar ish-kryetari i Kuvendit të Kosovës, Jakup Krasniqi të gjithë zyrtarëve të partive politike, që tashmë kanë filluar të përmendin zgjedhjet, pas dorëheqjes së Ramush Haradinajt nga posti i kryeministrit.

Krasniqi ka thënë se sot nuk ka qenë as vendi e as kuvendi për të bërë garë për pozitën e kryeministrit.

Ndërsa kryetari i Komunës së Drenasit Ramiz Lladrovci thotë se beson në pastërtinë e UÇK-së dhe pafajësinë e Haradinajt.

Ai ka thënë se i kanë përjetuar bashkë dhimbjet e lirisë dhe gëzimet e saj.