Aleanca për Ardhmërinë e Kosovës përmes një shkrimi në faqen e tyre në Facebook janë shprehur se agresiviteti i Beogradit karshi Haradinajt është sinjal i mirë.

Më tutje, ata nuk kanë lënë pa i thumbuar edhe kundërshtarët politikë të Haradinajt duke thënë se edhe nervozizmi i tyre është shenjë e mirë për Haradinajn e AAK-në.

Ata gjithashtu kanë listuar edhe disa fjalë të Haradinajt që i dha në dorëheqjen e tij.

“Ushtria u bë, taksa ndaj produkteve serbe vazhdon, Trepça gati për investime, kufijtë e shtetit nuk ndërrojnë”, shkruan partia e ish-kryeministrit Haradinaj.

Ja postimi i tyre i plotë pa ndërhyrje:

Agresiviteti në Beograd dhe nervozizmi nga adresa të caktuara në Prishtinë – sinjale të mira.

Agresiviteti i rritur tejmase në Beograd kundër Ramush Haradinajt si dhe doza e lartë e nervozës nga adresa të caktuara individuale në Prishtinë e Tiranë, janë shenja të mira që vendi po shkon në drejtimin e duhur.

Ushtria u bë;

Taksa ndaj produkteve serbe vazhdon;

Trepça gati për investime;

Kufijtë e shtetit nuk ndërrojnë;

Ditëve në vijim, bëhuni gati për shfaqje nervozizmi edhe në doza më të mëdha