Reagon zëvendësministri i Arsimit: Po linçohem pa të drejtë

Lajme

Reagon zëvendësministri i Arsimit: Po linçohem pa të drejtë

Reporteri

24 Qershor 2020 | 17:41

Driton Bardheci i cili dje u emërua zëvendësministër i Arsimit ka reaguar pas lajmeve se ai është ende student dhe pasi u quajt “Plazmkeksi i AAK-së”, shkruan Reporteri.net

Ai ka thënë se pa të drejtë është bërë pjesë e një linçimit publik. Sipas tij këto janë orkestrime të dobëta nga grupe që nuk duan ta shohin rininë në vendimmarrje.

Ky është postimi i plotë i Bardhecit:

-->

Lexo edhe:

Fillon samiti i NATO-s, priten vendime të udhëheqësve për shpenzime dhe prodhim më të lartë në industrinë e mbrojtjes

KQZ mblidhet sot, miraton qendrat e votimit dhe emëron Komisionet Komunale të zgjedhjeve

Elshani: Kemi biseduar me Arsenijeviqin, do të intervistohet si të mbërrijë në kufi

Të dashur qytetarë të Republikës së Kosovës!

Të nderuar përfaqësues të medieve, miq e aktivistë politikë!

Fillimisht dua t’ju falënderoj çiltërsisht për urimet që kam marrë për emërimin tim zëvendësministër i Arsimit dhe Shkencës. Në veçanti dua t’i falënderoj aktivistët e Forumeve Rinore në Kosovë, nga opozita e pozita që kanë mbështetur krijimin e një gjenerate të re politike në vend.

Dje, pa të drejtë, jam bërë pjesë e një linçimi të ashpër publik. Këto janë disa orkestrime të dobëta të grupeve të ndryshme me interesa të ngushta, që nuk duan ta shohin rininë në institucione dhe vendimmarrje, prandaj nuk dua të merrem me ta.

Atyre që nuk u bën pjesë e fyerjeve dhe shantazheve dua t’ju tregoj se unë Driton Bardheci, jam 22-vjeçar, nga fshati Grabanicë, Komuna e Klinës. Jam nga një familje që në çdo kohë e rrethanë mbrojtën dinjitetin dhe nderin e atdheut.

Përveç fyerjeve të pareshtura ndaj meje, pjesë e linçimeve u bë edhe familja ime, e cila vendit i dha dëshmorë në çdo luftë të trojeve shqiptare, deri në luftën e fundit.

Që nga mosha 18-vjeç kam punuar në pozita të ndryshme, duke filluar nga punët vullnetare deri në pozita më të larta menaxhuese e politike.

Si 18-vjeçar jam angazhuar me përfaqësim studentor e më pas angazhim politik brenda rinisë së AAK-së. Në vitin 2018 në Kuvendin Rinor të Aleancës, u zgjodha Kryetar i të Rinjve të AAK-së me 80% të votave të delegatëve, ndërsa në zgjedhjet e fundit nacionale, si kandidati më i ri për deputet kam marrë përkrahje të konsiderueshme nga qytetarët.

Përpos punës e angazhimeve politike kam ndjekur studimet në dy institucione të arsimit të lartë. Si drejtim parësor, në Shkencat Politike dhe si drejtim dytësor një ndër drejtimet më të vështira, për të cilin studiova me vullnet të madh nga interesimi për Inxhinierinë Mekanike, atë të Inxhinierisë Industriale dhe Menaxhmentit.

Për respekt ndaj opinionit publik, dua të sqaroj që për shkak të pandemisë COVID-19 është krijuar rregullore që kur paraqitet Punimi i Diplomës, të mbrohet pas 3 muajve.

Kështu është krijuar situatë e tillë që ka shtyer për disa muaj diplomimin tim në dy drejtimet.

Jam rritur me nder dhe me përkushtim ndaj studimeve të mija, pa të këqija e ndyrësi. Me aktivitetet politike që kam zhvilluar kurrë nuk kam rrezikuar shëndetin e qytetarëve dhe as nuk kam synuar të arrijë suksese personale, por çdoherë jam munduar t’i shërbej interesit të vendit.

Kritikat janë të mirëpritura, ndërsa paragjykimet të harruara.

Nuk do të ndalem përball asnjë sfide!

Shpërndaje: