Inspektorati Policor i Kosovës ka rekomanduar suspendimin e zyrtares policore që u vetëplagos mbrëmë aksidentalisht në Prizren, shkruan Reporteri.net. 

Sipas IPK’së, dyshimet janë se derisa ishte në shtëpinë e saj, duke manipuluar në mënyrë të pasigurt me armën zyrtare i shkrep arma dhe e plagosë veten në këmbë. Pas incidentit zyrtarja policore është dërguar për tretman mjekësor në Prizren.

Në konsultim me Prokurorinë Themelore në Prizren, ndaj zyrtares policor është iniciuar rast me dyshimin se e njëjta ka kryer veprën penale “Shkaktim i rrezikut të përgjithshëm” kurse rasti do të hetohet në procedurë të rregullt.

“IPK ka rekomanduar suspendimin e zyrtares së përfshirë në këtë rast kurse arma e zyrtare e tipit Glock, është sekuestruar përkohësisht nga IPK-ja për qëllim të ekzaminimit”, thuhet në njoftim. /Reporteri.net

Një police u vetëplagos mbrëmë në Prizren, Policia jep detaje: U plagos në gju, është jashtë rrezikut për jetë