Ish-pjesëtari i Ushtrisë Çlirimtare të Kosovës, Rexhep Selimi është ftuar nga Gjykata Speciale.

Këtë e ka bërë të ditur vetë Selimi përmes një postimi në Facebook, ku ka treguar se është ftuar në cilësinë e të dyshuarit, shkruan Reporteri.net.

Kujtojmë se ditë më parë nga Specialja u ftua edhe kreu i PDK-së, Kadri Veseli.

Postimi i plotë:

Të dashur miq, bashkëluftëtarë dhe qytetarë të vendit,

Ju njoftoj që, ashtu sikurse edhe pothuajse të gjithë anëtarët e SHP të UÇK-së dhe shumë luftëtarë tjerë të Lirisë, jam i ftuar që të intervistohem nga Zyra e Prokurorit të Specializuar në cilësinë e të dyshuarit.

Intervistimi do të zhvillohet gjatë javës së ardhshme në Zyrën e Prokurorit të Specializuar në Holandë.