Kryetari i Grupit Parlamentar të Vetëvendosjes, Rexhep Selimi, ndërsa ka folur për vazhdimin e dialogut Kosovë-Serbi më 12 korrik e ka pyetur kryeministrin Avdullah Hotin se a e di për ku është nisur pa lejen e Kuvendit të Kosovës.

Ai tha se nuk e di nëse Hoti është entuziast por se i gatshëm po, shkruan Reporteri.net.

“Hoti po duket se është bërë gati që të niset ne takime me Vuçiqin. Por nuk dihet a po shkon për një plan për marrëveshje apo me një plan që tashmë e kanë bërë të tjerët. Pyetje është se ku je nisur kështu. Ku po shkon pa lejen e Kuvendit dhe pa platformë, pa ekip e pa plan. A e dini ju Z.Hoti se ku po shkoni dhe pse po shkoni. Nëse jo, atëherë pse po shkoni, nëse po pse s’po na tregoni? Sidomos kur tani ish këshilltari i Donald Trump, Z. Bolton e sqaroi se ka një plan të ndarjes dhe shkëmbimit të territorit mes Thaçit e Vuçiqit. Njëri po të dërgon e tjetri po të pret, të kanë vendos në shërbim të një plani. ”, ka thënë Selimi. /Reporteri.net/.