Dredhëzat janë pjesë e familjes së trëndafilave dhe përveç bukurisë së tyre ofrojnë frutë të shijshëm, po ashtu.

Kjo bimë kultivohet nga shumë fermer në vendin tonë.

E një ndër ta është edhe Egzon Shala nga fshati Logjë i qytetit të bukur të Pejës, raporton emisioni #gjesi në T7.

Egzoni, ka më shumë se 13 vjet që merret me kultivimin e dredhëzave.

Ndonëse mbjellja e dredhëzave preferohet të bëhet gjatë muajit gusht, Egzoni i mbjellë ato në mes të qershorit.

Edhe pse kujdesi ndaj tyre di të jetë i vështirë, me një problem të tillë nuk përballet Egzoni.

Edhe sasia ditore e dredhëzave që vjelën nga toka e tij është e madhe.

Egzoni synon që në të ardhmen ta zgjerojë biznesin e tij dhe të bëjë shpërndarjen edhe në qytete të tjera të Kosovës.