Një shtetas kosovar, i moshës 32-vjeçare, ka goditur me thikë gruan e vet me ç’rast i ka shkaktuar plagë të rënda në qafë.
Sulmi ka ndodhur të hënën në Morges (Morzh), Kantoni Vaud, shkruan Blick.ch.
Policia e Kantonit Vaud ka njoftuar se pasditen e të hënës në Morges kishte ndodhur një grindje e ashpër. Policinë e kishin alarmuar rreth orës 16.40, transmeton Albinfo.ch. Me të arritur në vendin e ngjarjes, policët gjejnë një kosovare të moshës 28-vjeçare të plagosur rëndë. Ajo ishte e shtrirë para hyrjes së shtëpisë në të cilën banonte.
Kalimtarët e rastit i kishin dhënë viktimës ndihmën e parë dhe pastaj ajo është dërguar në spital ku tashmë është jashtë rrezikut për jetën.
Një zëdhënës policie ka thënë për gazetën se atë e kishte plagosur në qafë duke e goditur me thikë bashkëshorti i saj, 32 vjeç. Në njoftimin për media sulmi identifikohet si tentim vrasjeje. I dyshuari është arrestuar.
Sipas njohurive të para, dy personat ishin të martuar por jetonin prej disa muajsh të ndarë.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.