Erërat e forta dhe reshjet e borës po shkaktojnë telashe me energjinë elektrike në vende të ndryshme.

Probleme të mëdha janë shfaqur në fshatin Brezne të Dragashit, ku nga disa foto të publikuara shihet se shtyllat e rrëzuara në oborret e qytetarëve.

Qytetarët janë ankuar se përveç që kanë mbetur pa rrymë nga ora 10:00 ata po ndihen edhe të rrezikuar nga shtyllat me telat e rrymës.

Zëdhënësi i KEDS-it, Viktor Buzhala ka treguar se për shkak të kushteve atmosferike ka pasur prishje në rajone të ndryshme të vendit dhe se punëtorët e kompanisë kanë shkuar dhe i kanë sanuar disa prej prishjeve.