Një punëtor është rrezuar në vendin e tij të punës. Rasti ka ndodhur sot në mesditë në rrugën “Hajdar Dushi” në Prishtinë ku punëtori ka rënë në tokë derisa ishte duke punuar në një shtëpi private.

Rastin e ka konfirmuar për Reporteri.net Flora Ahmeti zëdhënëse e Policisë së Kosovës për rajonin e Prishtinës.

“Sot rreth orës 14:00, kemi pranuar informatën se në rrugën ‘Hajdar Dushi’ në Prishtinë, një person ka rënë nga një lartësi derisa ishte duke punuar në një shtëpi. I njëjti është dërguar për tretman mjekësor”, ka thënë Ahmeti për Reporteri.net.

Ajo ka bërë të ditur se me rastin po merren njësitet përkatëse të stacionit policor Qendra. /Reporteri.net/.