Një aksident ku janë përfshirë dy vetura nga Kosova ka ndodhur të martën pasdite, afër Shkëmbit të Kavajës, në Durrës.

Një veturë me targa 07 (rajoni i Gjakovës) është rrokullisur në rrugën dytësore, afër hotel “Nacional”.

Gjithashtu, e përfshirë në aksident ka qenë një veturë e tipit Volkswagen me targa të Prishtinës, e cila ka shpëtuar me dëmtime më të vogla.

Në vendin e ngjarjes ka mbërritur ambulanca, por sipas dëshmitarëve nuk kishte asnjë të lënduar rëndë.