Ankesa e paraqitur nga ambasadorja e Kosovës në Amerikës, Vlora Çitaku kundër Ministrit të Jashtëm serb Ivica Daçiq, pasi ky i fundit ia publikoi certifikatën e lindjes, gjatë mbledhjes së Këshillit të Sigurimit të OKB-së nuk hyri në agjendën e OKB-së, pasi ambasadorët rusë dhe kinezë e kundërshtuan atë, transmeton Reporteri.net.

Çitaku paraqiti një ankesë kundër Daçiqit muajin e kaluar pasi ai i publikoi një çertifikatë të lindjes të ish-Jugosllavisë, gjë të cilën ambasadorja Çitaku e cilësoi si një akt të ulët të autoriteteve serbe që dëshmon se Serbia e ka vjedhur dokumentacionin e Kosovës.

Siç raporton gazeta serbe “Novosti” ankesa u mbështet nga Britania e Madhe, por u bllokua nga Rusia dhe Kina.

Kujtojmë, se në seancën e fundit të Këshillit të Sigurimit të OKB-së, ambasadorja e Kosovës në Amerikë, Vlora Çitaku tha se Kosova është shtet i pavarur dhe kështu do të jetë përgjithmonë, teksa foli edhe për dialogun për të cilin tha se Prishtina zyrtare është e gatshme, por pasi pala serbe të tregojë se është serioze në këtë drejtim. /Reporteri.net