Anëtari i Kryesisë së PDK-së, Sami Lushtaku, ka thënë se do të garojë për kryetar të Skenderajt në zgjedhjet e reja lokale që do të mbahen në tetor të këtij viti.

Lushtaku ka thënë se e ka aprovimin e Kadri Veselit për të kandiduar dhe sfiduar kryetarin aktual të Skenderajt, Bekim Jashari.

“Unë e kam thënë publikisht, unë do të kandidoj për kryetar të Skenderajt. Asnjëherë më i vendosur nuk kam qenë, e kam përkrahjen e PDK-së, ka thënë Lushtaku në një intervistë për kallxo.com.

Ai ka shtuar se sa ka qenë këtu Kadri Veseli ia ka dhënë aprovimin Kadri Veseli.

Lushtaku ka thënë se e kanë shtyrë disa projekte jetike që të kandidojë që kanë mbetur pa u kryer, si kompleksi i UÇK-së.

Kujtojmë se Bekim Jashari së fundmi në një intervistë të dhënë për “Debat Plus” ka bërë akuza të rënda në drejtim të Lushtakut, duke thënë se sipas informatave që i ka marrë nga qytetarët, Samiu ka qëndruar larg fronteve të luftës dhe shumë rrallë ka ardhur tek lagjja e Lushtakëve.

Jashari ka thënë se Sami Lushtaku për pesë vite ka qëndruar në Gjermani nga viti 93 deri në vitin 98. /Reporteri.net/.