Një nga njerëzit më me ndikim në PDK, Sami Lushtaku ka folur për intervistim e tij në Hagë nga Gjykata Speciale.

Ai ka thënë se është në marrë në pyetje gjysmë ore.

“Jam mbrojt në heshtje, jam marrë në pyetje gjysmë ore. I kam thënë hetuesit dhe prokurorit më pyesni në mënyrë specifike, përndryshe nuk kam nevojë me u përgjigj”, ka deklaruar Lushtaku.

I pyetur se a është marrë në pyetje edhe presidenti Thaçi ai ka thënë se nuk është në dijeni për këtë.

“Thaçin nuk kam njohuri që e kanë marrë në pyetje, por secili pret me marrë ftesa nga Gjykata Speciale, mundet edhe një ushtar i thjeshtë me u marrë në pyetje”, deklaroi Lushtaku në T7, shkruan Reporteri.net.

Ai ka thënë se e di kush është thirrë nga Gjykata Speciale në Zonën e Drenicës, por shtoi se nuk janë thirrë shumë.

Kujtojmë se Lushtaku nga prokuroria speciale është intervistuar më 16 janar të këtij viti për të bëmat e tij gjatë luftës.

Për ta shoqëruar Lushtakun në Hagë të Holandës ishin edhe avokatët e tij, kosovari Arianit Koci e britaniku Geoffrey Nice, sidhe shefi i zyrës për Mbrojtjen e të Akuzuarve Potencial nga Gjykata Speciale Driton Lajqi.