Dy deputetët gjermanë, Peter Beyer dhe Christian Schmidt pas takimit me drejtuesit e VV-së dhe LDK-së u ka bërë thirrje atyre që të mos humbin kohë, por të arrijnë marrëveshje dhe t’i hapin rrugë formimit të institucioneve.

Ata kanë deklaruar se do ta informojnë edhe kancelaren Angela Merkel për takimet e zhvilluara në Kosovë, shkruan Reporteri.net.

Deputeti Christian Schmidt u ka bërë thirrje dy partive të mos flasin para mediave, por që të thërrasin njëra-tjetrën për takimin e radhës dhe ta përfundojnë koalicionin.

“Pritjet tona janë që askush nuk duhet të provojë të ndajë palët për të ndërtuar qeverinë. Ky është mesazhi. Gjithashtu pritjet tona janë, që palët te jenë të relaksuara, të mos flasim për media, por të thërrasin njëra tjetrën në telefon dhe të caktojnë një takim”, ka shtuar tutje Beyer.

Kurse deputeti tjetër gjerman, Christian Schmidt, pas takimit me kreun e LDK-së, Isa Mustafa, është shprehur optimist se koalicioni mes VV-së e LDK-së, do të arrihet, siç ka thënë ai, duke u bazuar në bisedat që ka zhvilluar me dy palët. /Reporteri.net/.