Kreu i AAK-së, Ramush Haradinaj ka thënë se Kushtetuta e Kosovës është suprimuar me zhvillimet e mbrëmshme rreth çështjes së presidentit.

Haradinaj para seancës për presidentin, ka thënë se të gjithë ata që bëhen pjesë e kësaj shkelje kushtetuese, “do t”i mbulojë turpi për tërë jetën”, siç tha ai, përfshirë edhe dy kandidatet për presidente.

“Po suprimohet Kushtetuta e Kosovës, të gjithë ata që bëhen pjesë, përfshirë edhe zonjat në fjalë kandidatet për presidente do t’i mbulon turpi tërë jetën, pavarësisht çka kanë bërë deri më tani, nëse bëhen pjesë e shkeljes së Kushtetutës do t’i mbulon turpi për tërë jetën”, tha Haradinaj para mediave.

Kryetari i Aleancës për Ardhmërinë e Kosovës, ka paralajmëruar edhe protesta për të kundërshtuar ato që i ka cilësuar shkelje të rënda kushtetuese.

/Reporteri.net/