Kuvendi i Serbisë më 27 maj do të mbajë seancë të posaçme për Kosovën, shkruan Reporteri.net.

Kështu ka deklaruar sot  në një konferencë për media kryetarja e parlamentit serb, Maja Gojkoviq.

Gojkoviq ka thënë se në seancë do të ftohen edhe presidenti i Serbisë Aleksandar Vuçiq dhe kryeministrja e Serbisë Ana Bërnabiq. Aty po ashtu do të jetë i pranishëm edhe Drejtori i Zyrës për Kosovën në Qeverinë e Serbisë, Marko Gjuriq.

Ky veprim vjen pasi që dje në Kuvendin e Kosovës u miratua Rezoluta për gjenocidin serb të kryer në Kosovë gjatë luftës së fundit.

Gjatë ditës për këtë Rezolutë reaguan edhe presidenti serb, Aleksandar Vuçiq dhe kryeministrja serbe, Ana Brnabiq. /Reporteri.net