Sekretarja e Partisë Socialdemokrate, Teutë Rrusta, i ka reaguar deputetit të Lëvizjes Vetëvendosje, i cili sulmoi sot mediat për raportimet e tyre.

Teutë Rrusta thotë se Liburn Aliu është ushtari më i mirë i agjitacionit e propagandës, por asgjë më tepër se kaq.

Ajo ka shtuar se Lëvizja Vetëvendosje është është konspiracioniste edhe nëse shpjegimi për kundërshtarët e saj është i saktë.

Për më tepër, kjo formë e ushtrimit të politikës nuk i njeh antagonizmat dhe zhvillimet e dinamikave të ndryshme, sepse ka rregullin e saj të kufizuar në funksion të vetëruajtjes.

Reagimi i plotë:

Liburn Aliu është ushtari më i mirë i agjitacionit e propagandës, por asgjë më tepër se kaq.Shpjegimi konspiracionist për veprimet e kundërshtarëve politik nuk e flet me patjetër të vërteten për kundërshtarin tend, por për ty. Në kontekstion e Kosovës, Vv është konspiracioniste edhe nëse shpjegimi për kundërshtarët e saj është i saktë. Për më tepër, kjo formë e ushtrimit të politikës nuk i njeh antagonizmat dhe zhvillimet e dinamikave të ndryshme, sepse ka rregullin e saj të kufizuar në funksion të vetëruajtjes.
Kjo gjuhë nuk ka aftësinë të shpjegojë përplasjen dialektike në mes të shtresave shoqërore dhe grupeve politike. Kjo është pikërisht gjuha e Vv e cila e ka pamundësi inherente më pranu shpjegime tjera përveç asaj që ajo e pretendon – mbi botën, shoqërinë, lirinë.