Serbët sot po festojnë një nga festat më të rëndësishme fetare të tyre. Bëhet fjalë për festën e Vidovdanit, e cila po festohet edhe në Kosovë.

Rreth dhjetë autobusë me serbë nga qytetet e Serbisë, kanë zbarkuar në Gazimestan, ku ka nisur të mbahet ceremonia për shënimin e kësaj feste, shkruan Reporteri.net.

Në këtë ceremoni po marrin pjesë qindra qytetarë serbë, të cilët përpos flamujve serbë po mbajnë edhe flamujt e shtetit mik të Serbisë, Rusisë.

Një grup prej tyre kanë shpalosur një pankartë të madhe ku në gjuhën serbe dhe atë ruse dërgohet mesazh se nuk ka ndarje, e as dorëzim dhe se Kosova është pjesë e Serbisë.

“Nuk ka ndarje, as dorëzim”, është mesazhi i shkruar në të dy gjuhët në pankartën që ata e mbajnë në duar.  /Reporteri.net