Sërish ulen temperaturat, parashikimi i motit për këtë javë

Java fillon me mot të nxehtë me temperatura deri në 30C. Në pjesën e dytë të javës priten edhe të reshura shiu, e temperaturat pësojnë rënie graduale.

---

Sipas Prishtina Weather në pjesën e dytë të javës, depërtime të fronteve mbi rajon sjellin vranësira dhe kushte për shi, që vende-vende mund të shoqërohen edhe me bubullima, e temperaturat pësojnë rënie graduale. Të premten më freskët dhe kohëpaskohe me shi.

Në fundjavë, sipas parashikimeve të fundit, sërish do të mbajë mot më stabil, me diell e temperaturat në rritje.

25.05 – Paradite me vranësira, e gjatë ditës moti nxehtë dhe kryesisht me diell.

26.05 – Shumë ngrohtë, me vranësira dhe intervale me diell. Mundësi për riga lokale shiu. Vonë në mbrëmje reshje lokale shiu me mundësi për bubullima.

27.05 – Mbetet ngrohtë, me vranësira të ndryshueshme dhe mundësi për reshje lokale shiu pasdite dhe në mbrëmje.

28.05 – Më freskët, kryesisht me vranësira e kohëpaskohe me reshje lokale shiu.

Temperaturat e ajrit shënojnë rritje, me minimale që luhaten ndërmjet 10C e 15C, e maksimalet deri të martën arrijnë edhe në 30C, e më pas në rënie deri në 25C, të premten edhe deri në 12C.

Era do të fryj mesatare dhe mesatarisht e fuqishme drejtimesh të ndryshme 4-11m/s.

Shtypja atmosferike fillimisht në vlera të larta, e të enjten me tendencë të rënies.