Pasdite mediat kanë raportuar se kryetari i Kuvendit Kadri Veseli ka udhëtuar për në Hagë për t’u intervistuar nga prokurorët e Gjykatës Speciale.
Ky lajm nuk është konfirmuar nga anëtarët e kabinetit të Veselit, madje Blerand Stavilci, ka thënë që është lajmi i rrem lajmi për udhëtimin e Kadri Veselit për në Hagë.
“Nuk po ju besojmë syve tanë për atë që po lexojmë”, tha Stavileci për Reporterin.
Ndërsa edhe nënkryetari i Kuvendit dhe bashkëpartiaku i Veselit, Xhavit Haliti e përgënjeshtron lajmin dhe thotë se Veseli ka udhëtuar diku jashtë vendit por nuk është në dijeni se ku.
“Mua më ka thënë që do të shkojë në një konferencë e jo për t’u intervistuar”, tha Haliti për KosovaPress.
Haliti nuk dha detaje se në cilin shtet do të shkojë Veseli në konferencë e as në çfarë lloji të konferencë.
Ndërkohë ”Gazeta Express” ka raportuar se Kryeparlamentari Kadri Veseli pritet sot të udhëtojë në Hagë, ku e presin për intervistim prokurorët e Zyrës së Prokurorit të Specializuar dhe sipas tyre Veseli pritet të intervistohet si i dyshimtë nga prokurorët e Zyrës së Prokurorit të Specializuar, Jack Smith.