Shefja e Zyrës së BE-së në Kosovë, Natalya Apostolova, ka reaguar lidhur me incidentin e djegies së veturës së deputetit të Kuvendit të Kosovës, Slavko Simiq.

Apostolova ka thënë se është e shqetësuar lidhur me raportimet për sulmin ndaj pronës e nënkryetarit të Kuvendit të Kosovës.

“Pres që Policia të kryejë një hetim të shpejtë dhe të plotë në mënyrë që autorët të dalin para drejtësisë”, ka thënë Apostolova.

Vetura e deputetit të Listës Serbe, Slavko Simiq, është djegur në orët e vona të së mërkurës në veri të Republikës së Kosovës.

Ndërkohë nuk është raportuar për asnjë të lënduar. Reagime lidhur me rastin kanë ardhur edhe nga Beogradi.

Worried to hear reports on the attack on property of one of the Deputy Speakers of the #Kosovo Assembly. Expect police to conduct a prompt and thorough investigation in order for the perpetrators to be brought to justice.

— Nataliya Apostolova (@ApostolovaEU) January 9, 2020