Është shënuar viktima e shtatë nga koronavirusi në Kosovë.

Klinika Infektive e QKUK-së njofton se në orët e mbrëmjes ka ndërruar jetë një 72 vjeçar nga komuna e Gjilanit, shkruan Reporteri.net.

Pacienti njoftohet se kishte edhe sëmundje të tjera shoqëruese.

“Klinika Infektive e QKUK-së ka njoftuar sonte se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti Z.I, i lindur më 1948 nga komuna e Gjilanit, i diagnostikuar me COVID 19.Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese.Kjo është vdekja e shtatë nga Covid-19 në Kosovë”, thuhet në njoftim.

Lajmi është konfirmuar edhe nga kryetari i Gjilanit, Lutfi Haziri. Ai ka thënë se ky rast i rëndë, duhet të na vetëdijësojë të gjithëve të vetëpërmbahemi, të mos dalim pa arsye, të kemi kujdes dhe ta kujtojmë që përdorimi masave mbrojtëse është jetë./Reporteri.net