Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës ka bërë të ditur se gjatë 24 orëve të fundit janë regjistruar 2 mijë e 236 raste të reja me COVID-19.

Në këtë periudhë kohore kanë vdekur tetë qytetarë, kurse janë shëruar 138 pacientë.

Tutje, MSh njofton se në 24 orët e fundit janë dhënë 22.119 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 644.212 doza të vaksinës.

Deri më sot 221.026 qytetarë janë vaksinuar me dozën e dytë.

Në total numri i rasteve aktive është 14.249.