Shkon në 249 numri i vdekjeve si pasojë e koronavirusit

Instituti Kombëtar i Shëndetësisë Publike të Kosovës, ka njoftuar se në 24 orët e fundit 13 persona kanë vdekur si pasojë e koronavirusit duke e çuar kështu numrin total të vdekjeve në 249.


Po ashtu IKSHPK ka bërë të ditur se janë konfirmuar edhe 245 raste të reja me COVID-19, shkruan Reporteri.net.

Numri total i rasteve pozitive është 8.799 raste nga 37.411 persona të dyshimtë në virusin SARS-CoV-2.

Gjatë 24 orëve të fundit, janë shëruar 133 pacientë derisa numri i përgjithshëm i të shëruarve deri më sot është gjithsej 4.863 raste, kurse numri i rasteve aktive është 3.687. /Reporteri.net/