Policia e Kosovës ka dhënë detaje lidhur me aksionin që po zhvillohet para Agjencisë Kosovare të Intelegjencës.

Zëdhënësi i Policisë, Baki Kelani, ka bërë të ditur për Gazetën Online “Reporteri.net”, se sot rreth orës 06:15, kanë pranuar informacion se në rrugën Prishtinë drejtimi i Fushë Kosovës, gjendet një person i dyshuar me një veturë.

Kelani ka njoftuar se njësitet policore kanë ndërmarrë veprimet e menjëherëshme në vendin e ngjarjes ku personin e dyshuar e kanë ndaluar dhe e kanë shoqëruar në stacion policor, shkruan Reporteri.net.

Në vendin e ngjarjes janë dalë edhe njësitet kompetente policore të cilat janë duke kryer veprimet e mëtejme policore.

Rruga në drejtim të Fushë Kosovës është bllokuar, përderisa të përfundojë kryerja e vendshiqimit të vendit të ngjarjes. /Reporteri.net