Kreu i Prishtinës, Shpend Ahmeti ka kundërshtuar përsëri masat e reja Anti Covid që ka prezantuar dje Qeveria e Kosovës.

Ahmeti në një postim të fundit në Facebook ka ironizuar me masat e ndërmarra nga qeveria Hoti duke thënë se gjysma e lagjes Nic është në Gracanicë e gjysma në Prishtinë.

“Ka edhe ma absurde. Gjysa e Lagjes Nic është në Graçanicë e gjysa në Prishtina. Njana shpi ka orë policore, e kojshia i parë mundet me dal”, tha ai.

Kreu i kryeqytetit dje ka thënë se është absurde pse kush jeton në lagjen Marigona mundet me dalë pasi nuk është në zonën e kuqe.

“Kush jeton në Lagjen Marigona është në zonën e gjelbër e mundet me dal, e kush jeton në Qëndresa është në zonën e kuqe e ka orë policore”, tha ai. /Reporteri.net/.