Ish-shefi i Agjencionit të Kosovës për Inteligjencë, Shpend Maxhuni, i është kthyer punës së tij të moçme si zyrtar në Policinë e Kosovës.

Reporteri.net ka marrë vesh se Maxhuni është bërë këshilltar i Drejtorit të Përgjithshëm, Rashit Qalajt, lidhur me çështje të operacioneve.

Marrjen e detyrës në Policinë e Kosovës e ka konfirmuar për Reporterin edhe zëdhënësi i këtij institucioni, Baki Kelani.

“Koloneli Shpend Maxhuni është kthyer në PK, në pozitën Këshilltar për çështje Operacionale i Drejtorit të Përgjithshëm”, ka thënë Kelani.

Vlen të theksohet se Maxhuni, para se të shkojë si shef në AKI, kishte qenë Drejtor i Përgjithshëm në Policinë e Kosovës./Reporteri.net