Një gyp uji ka shpërthyer në qendër të qytetit të Prizrenit duke shkaktuar vërshime në një pjesë të qytetit.

Uji ka depërtuar edhe në disa objekte në pjesën e Shatërvanit.

“Hidroregjioni Jugor” ka njoftuar se ka dalë në vendin e ngjarjes dhe po merret me rregullimin e problemit.

Drejtori i KRU Hidroregjioni, Zenel Zenelaj, tha për Klan Kosova se për 2-3 orë do të evitohet problemi.

“Është gyp i ujësjellësit. Është problem i zakonshëm që mund të ndodhë. Ekipi ka dalë në vendin e ngjarjes dhe për 2-3 orë evitohet problemi”, është shprehur Zenelaj.