Sot rreth orës 03:30 ka ndodhur një shpërthim në një lokal në rrugën “C” në Prishtinë.

Rastin për Gazetën Online “Reporteri.net” e ka konfirmuar zëdhënësja e Policisë për rajonin e Prishtinës, Flora Ahmeti.

Nuk raportohet për persona të lënduar. Sipas Ahmetit njësitet e nevojshme policore kanë dal në vendin e ngjarjes.

“Sot rreth orës 03:30, jemi njoftuar për një rast shpërthimi në një lokal në rrugën “C” në Prishtinë. Njësitet e nevojshme policore kanë dal në vendin e ngjarjes dhe po merren me rastin. Nuk raportohet për persona të lënduar”, thotë Ahmeti për Reporteri.net.

Ajo thotë se për zbardhjen e rrethanave të këtij rasti i cili është cilësuar si shkaktim i rrezikut të përgjithshëm, janë duke punuar njësitet përkatëse në koordinim me prokurorinë e shtetit.

/Reporteri.net/.